3.   MAN EM I SAVE TINGTING LONG EM YET TASOL

Man em i kisim pinis Kraist, tasol em i no bilip long God bai i bosim laip bilong en.

“Na ol brata, bipo mi no inap givim tok long yupela olsem mi save givim long ol man i gat Spirit.   Nogat.   Mi save givim tok long yupela olsem mi save givim long ol man i gat olpela bel.   Long dispela taim yupela i bin i stap olsem pikinini yet long pasin bilong Kraist.   Mi bin givim susu long yupela.   Mi no givim strongpela kaikai long yupela.   Long dispela taim yupela i no inap long strongpela kaikai.   Nau tu yupela i no inap yet.   Long wanem:   Yupela i stap yet long pasin bilong olpela bel.   Yes, pasin bilong bel nogut long brata na tok pait em i stap yet long yupela.   Na dispela pasin yupela i save mekim, em i pasin bilong olpela bel.   Em i pasin bilong man bilong graun tasol.”   (1 Korin 3:1-3)

	MI YET BOSIM MI
	Mi yet mi bos.   Kraist em i stap long laip bilong mi, tasol em i no bosim mi.   Mi no bilip long God bai i strongim laip bilong mi long olgeta de wanwan.

 “Mi diwai wain.  Yupela i han bilong diwai wain.   Man i stap long mi na mi stap long em, em i save karim planti    kaikai.   Sapos yupela i lusim mi, yupela i no inap mekim wanpela samting.”   (Jon 15:5)

 “Tasol Spirit em i save kamapim kaikai olsem:   Pasin bilong givim bel, na amamas, na bel isi, na pasin bilong larim ol i rongim yumi, na pasin bilong helpim ol man, na wokabaut stret oltaim, na pasin bilong isi isi, na daunim laik bilong olpela bel.   I no gat wanpela lo i tambuim ol dispela kain pasin.”   (Galesia 5:22-23)

“Tasol bihain bai Holi Spirit i kam i stap long yupela, na bai yupela i kisim strong.   Na bambai yupela i autim tok bilong mi long Jerusalem, na long olgeta Judia, na long Sameria, na i go inap long olgeta hap graun.”   (Aposel 1:8)

Sapos wanpela man i pulap long Spirit, em i tok orait bai Holi spirit i bosim laip bilong em.

Long taim yu bilip long God long olgeta samting, bai ol dispela samting i ken kamap insait long laip bilong yu.   Sapos yu stat nau tasol long kisim save long wok bilong Holi Spirit, yu no ken bel hevi sapos ol dispela samting olgeta i no kamap hariap.  Long taim yu stat nupela, yu no inap bai yu wankain man olsem tasol olsem man i bilip pinis long God longpela taim tumas.

Bilong wanem planti Kristen ol i no save holim dispela gutpela laip, i pulap tru na i nambawan tru?

(a) Ating i no gat wanpela i bin tokim em long marimari bilong God na long strong bilong God, na long God i inap lusim olgeta sin bilong yumi.   O ating dispela man i lusim tingting long ol dispela samting.   (Rom 5:8-10);   Hibru 10:1-25;  1 Jon 1:1-10;   1 Jon 2:1-2;   2 Pita 1:9;   Aposel 1:8).

(b) Laip bilong en i save go antap na i save go daun gen.

(c) Em i laik mekim gutpela samting, tasol em i no inap.

(d) Em i no bilip long Holi Spirit bai i strongim em, bai em i ken wokabaut stret na holim laip tru

MAN I SAVE TINGTING LONG EM YET TASOL – 
Ol dispela samting ol i makim man em i Kristen tasol em i no bilip tru long God:

Spirit em i save bosim wanpela man o meri sapos Kraist em i stap laip insait long em, long strong bilong Holi spirit 
(Jon 15).

(A) Sapos yu kamap Kristen, Holi Spirit i save kam na stap insait long laip bilong yu, oltaim oltaim 
      (Jon 1:12;   Kolosi 2:9-10;   Jon 14:16-17).

Holi Spirit i save stap insait long olgeta Kristen, tasol i gat sampela Kristen ol i no tok orait bai Holi Spirit i ken  bosim ol.

(B) Holi Spirit i givim laip i pulap tru long yumi (Jon 7:37-39).

(C) Holi Spirit i bin kam bilong putim Kraist bai em i namba wan (Jon 16:1-15).  Sapos Holi Spirit em i bosim  wanpela man, dispela man tu bai i putim Kraist bai em namba wan long laip bilong en.

(D) Long laspela tok bilong en, taim em i no go antap yet long heven, Kraist i bin promis bai strong bilong Holi Spirit i halivim yumi long autim tok bilong Kraist (Aposel 1:1-9).

Orait, Holi Spirit em i inap bosim, o pulimapim, olsem wanem wanpela man?

Holi Spirit em i inap bosim yu nau stret.

(A)   Sapos laik bilong yu i olsem (Matyu 5:6; Jon 7:37-39).

(B)   Sapos yu tok aut klia long God long olgeta pasin nogut bilong yu.

Bilip long God na yu ken tok tenkyu long em, long wanem, em i tekewe pinis olgeta pasin nogut bilong yu—ol dispela yu mekim pinis bipo ol dispela yu mekim nau, wantam ol dispela bai yu wokim bihain yet—long wanen, Kraist i bin dai bilong halivim yu (Kojosi 2:13-15;   1 Jon 1:1-10;  1 Jon 2:1-3;   Hibru 10:1-17).

(C)   Long bilip, yu inap save olsem Holi Spirit i pulimapim laip bilong yu.   Em i kamap olsem bos bilong yu na i stiaim laip bilong yu, long:

1.  LO BILONG EN—Yu mas pulap long Spirit.

“Na yupela i no ken dring planti na i spak.   Nogat.   Dispela pasin i save bagarapim yupela.   Yupela i mas kisim Spirit bilong God, na em i pulap long yupela.”   (Efesas 5:18).

2.  PROMIS BILONG EN—Bai em i bekim oltaim prea bilong yumi, sapos prea bilong yumi i bihainim laik bilong en.  

“Sapos yumi bihai im laik bilong God yet na yumi beten long wanpela samting, orait bai em i harim beten bilong yumi.   Olsem na yumi no save pret long God.   Nogat.   Yumi save go klostu long em.   Na yumi save, em i save i harim olgeta beten bilong yumi.   Olsem na yumi save long dispela tu:   Yumi beten long em i givim yumi wanpela samting, em i olsem yumi kisim pinis dispela samting.”(1 Jon 5:14-15).

Yu inap soim bilip bilong yu long taim yu pra……..