Inee kwamanyire igoro yobogima boichoire nomoika omochenu?

Read the Four Spiritual Laws in your language

 

KERA RITUKO NABO R1RABE RIOBOBUI ASE CHINGURU CHIOMOIKA OMOCHENU 
 Ekero kwamoigorerete Yeso agasoa enkoro yao, Omoika omochenu nochete ime yao. Omoika Omochenu nigo okogera omokristo omenya obogima obuya naende bwomogoko.

Ebibilia nigo egototebia igoro yomoika omochenu:

1.  Omoika Omochenu I Nyasae (Ogokora Kw’abatomwa 5:3-5).
2.  Omoika Omochenu nigo omenyete ime ya kera omonto onyorire Yeso Kristo buna omotoria oye 
    (I abakorinto 3:16; Abarumi 8:9).  
3.  Omoika Omochenu nigo ogotoa chinguru komenya obogima bw’Mokristo  (Abagalatia 5:22,23; Abarumi 8:11).
4.  Omoika Omochenu nigo ogotoa chinguru korwa oborori igoro ya Kristo  (Ogokora Kw’abatomwa 1:8).
5.  Omoika omochenu igo ore nechinguru mono kobua chinguru chinde chionsi (1 Yohana 4:1—4).

Ebibilia igo egototebia igoro yabanto batato ao ao.

OMONTO OTARI NA KRISTO
 Omoika Omochenu tori komenya ime yomonto otaramwancha Kristo buna omotoria oye (Abaefeso 1:13).

Ebibilia nigo egoteba: “Nabo mwanyabanto ore nechingencho chia kare, takonyora ebiegwa bi’Omoika o Nyasae, naki asare ere ebi nebiriri, gose takonyara kobimanya, ekiagera nigo bikomanyekana ase chinguru ch’Omoika” 
(1 Abakorinto 2:14).

Omoreng’anio oyo nigo okworokia omonto otabwati Kristo buna akororekana.

Yeso Kristo
Ekerogo diobonene ime yobogima bwa mwanyabanto

1.  Yeso igo are isiko yobogima bwomonto oyo.
2.  Omonto oyo nigo aikaranserete ekerogo ki’oborwoti bw’obogima bwaye. Nere  bweka bwegamberete.
3.  Omonto oyo nigo aganetie anyore Yeso Krlsto buna omotoria oye.

OMOKRISTO OUCHOIRIE NOMOIKA OMOCHENU

Ekero tokomwancha Yeso Kristo buna omotoria oito, Omoika Omochenu nigo ogocha na komenya ime yaito (Abarumi 8:9) Goichorigwa n’Moika Omochenu nigo ekworokia buna Yeso Kristo nere obwate okobua noborai bw’obogima bwaito. Twegene chinguru chiaye, tari echiaito. Ebibilia nigo egokwana igoro yobogima boichoirie n’Moika Omochenu ase chingencho echi chikobwatia.

“Korende okwama kw’Omoika nobwanchani, omogoko, omorembe, oboremereria, obwororo, obuya, obwegenwa, oboitongo, okwerita ase onsi; machiko ande tari arangeamang’ana buna ayio (Abagalatia 5:22, 23).

“Korende namonyore chinguru, ekero omoika Omochenu obacheire, na inwe namobe bironi baane ase Yerusalemu, na ase chinsemo chionsi chia Boyahudi na Samaria, na goika chinsinyo ch’ense (Ogokora Kw’Abatomwa 1:8).

Manya ng’a ....

1. Yeso Kristo nigo amenyete ime yomonto oyo.

2. Yeso Kristo nere oikaranserete oborwoti bwoborai bw’omonto oyo.

3. Omokristo oyo nigo amenyete na komokorera Kristo.

Ekero tokomwanchera Yeso Kristo oraa obogima bwaito, igo tokogania mono komogokia Nyasae. Igo togwancha gosoma ebibilia na gosaba. Igo tokogania gotebia abande igoro ya Kristo na koba nobomo nabakristo bande. Obogima bwaito bwanyara kworokia amatunda Y’omoika Omochenu kera engaki. Ebinto ebi goika bibe biobomaene ime yobogima bw’Omokristo kobwatekana buna:

1.Okwegena kong’ana ng’aki egenete Nyasae nobogima bwaye bwonsi.
2.Engaki eng’ana ng’aki amomanyire Nyasae. Omokristo oichoirie nomoika omochenu taikeraneti ebinto bionsi. Korende igo agendererete komwegena Nyasae akore egasi engiya ime yaye nakomworokereria chinchera chiaboronge.
Ekero Omokristo ataichoiri n’Moika Omochenu igo are ...

OMOKRISTO BWEANCHETE OMONYENE

Omokristo bweanchete ere omonyene igo okonyora anchete ebinto biria bikomogokia kobua komogokia Nyasae. Omokristo bweanchete igo abwekaine omwana otagete kobwatia chinchera chiaye ere omonyene — naende igo abwekaine omonto bwense otamomanyeti Nyasae. Igo okonyora egenete chinguru chiaye omonyene erio anyare komenya obogima bw’Omokristo. Ebibilia igo egoteba iga igoro y’Omokristo bweanchete ere omonyene.
“Na inche, baminto, tinare konyara gokwana nainwe buna nabanto bare n’Omoika, korende buna abanto b’engencho ya kare, buna abana ebing’werere ase Kristo. Nabasibirie amabeere, timbaragereti endagera; ekiagera konya timoraisana; ee, nonya mbono timoraisana, ekiagera nonya mbono nigo more abanto b’engencho y’ebibe. Naki onye more ne ribero na eri omana ase egati yaino, Inee, timori abanto b’engencho y’ebibe, naende nigo mogendererete buna banto bande bonsi?” 
(1 Abakorinto 3:1—3).

OBOGIMA BWOMOKRISTO BWEANCHETE IGO BOKWOROKIA 
CHINGENCHO ECHI


Botambe ...
- tari komwegena Nyasae
- tari koigwera bwango Nyasae
- tari gokonya abande bamwanche Kristo      
- obogima bwaye bw’gosaba tibori buya
  tancheti Ebibilia 
- igo akorengererla gokora ebibe  
  

 

Chinsa chinde ...
- Igo akolgwa anacheire ekina 
- igo akoigwa endamwamu
- igo akumetie chinsa chionsi 
- igo akwete enkoro
- igo akonachera abande ekina nobororo obonene
- igo akogechigwa bwango

 

Rora ng’a

1.     Yeso Kristo nomotona bwenkoro yaye naende igo amenyete enkoro yaye ime.

2.     Omokristo bono nere oikaranserete ekerogo k’oborwoti bwenkoro na koraa obogima bwaye.

3.     Omoika Omochenu nao ore ime yobogima bwaye, korende tabwati kobua konde gwensi ime yobogima obo.

Ase engencho eye. . . 

 

       Obogima bw’omoknsto bweanchete igo agotema komogokia Nyasae korende onyora takonyara gokora ayare amaya (Abarumi 7:15: 18,24).
 Igo egenete chinguru chiaye omonyene, echio chitari nanguru mono. Omoerio oye Omokristo oyo bweanchete tari konyara komenya obogima boichire nomogoko. Na botambe tamenyeti buna Omoknsto.

 

ASE ABA BATATO, AYE IGO OBWEKAINE MONTO KI?
Omonto otamobwati Kristo Obogima boichire Omoika Omochenu Omokristo bweanchete

Igo bwanchete obe Omokristo obwekaine inaki?

Igo tokoba Abakristo ase okobeka okwegena gwaito ime ya Yeso Kristo buna Omotoria. Naende igo togoichorigwa n’Moika omochenu ase okwegena.

NABO ORANYARE GOICHORIGWA NOMOIKA OMOCHENU BONO IGA

Onye gotagete Omoika o’Nyasae orae obogima bwao, nagokoa chinguru omenye

1. Goika bwanche Omoika Omochenu osoe ime yao (Matayo 5:6). Kristo takonyara kobetereria 
    nechinguru asoe ime yobogima bwao.

2. Angama ebibe biao. Ancherana na Nyasae ng’a aye nomonyabibe. Motebie imbuya mono ase ogokwabera ebibe biao kiagera Kristo    nagokwerete (Abakolosa 2:13—15; 1 Johana 1:9). Tiga ebibe biao ochore komoigwera Nyasae.

3. Kae Yeso Kristo ebiimo biao (Abarumi 6:13) Komenya obogima boichoirie n’Omoika Omochenu  goika bwanchere Yeso Kristo akorae ase kera egento ogokora. Tiga atenenere chibesa chiao, chinsa  chiao, emeremo yao,  obomo bwao nabanto bamino amo nabasani bao.

MWEGENE NYASAE AGOICHORIE NOMOIKA OMOCHENU

Nyasae nabo akogoichoria (akorae naende akoe chinguru) n’Omoika Omochenu onye gokomwegena ng’a nagokorerebo. Nenyare koba nobomaene ekiagera nabo ring’ana ria Nyasae rigototebia.

Ogochika Kwaye: “Naende timotinda ase edivai, ekiagera ase eyio inamoirwe ase obonyaka, korende moichorwe n’Omoika” (Abaefeso 5:18).

Nokogania kwa Nyasae abakristo bonsi goichorwa n’Omoika Omochenu.

Eira Yaye “Oko nakwo ogosemeria tore nakwo asare, ng’a gatoramosabe gento kende gionsi koreng’ana nogwancha kwaye, nigo aratoigwe. Na gatomanyete ng’a nigo agotoigwa ase kende gionsi togosaba, twamanyire ng’a twanyorire keria twasabire korwa asare” (1 Yohana 5:14, 15).

Ekiagera nng’ana ri’Nyasae nigo rigotochika toichorwe n’Omoika Omochenu, intomanyete ng’a nogwancha kwa Nyasae. Ase igo nore nobokeene ng’a Nyasae nagoichorie n’Omoika Omochenu onyegokomwegena agoichorie. Ere nariete eira ng’a natoiranerie okogania koria kore buna aganetie.

IGO TOGOICHORIGWA NOMOIKA OMOCHENU ASE OKWEGENA

Enchera eyemo yokworokia okwegena kwao, nase ogosaba. Nabo oranche osabe iga:

Omonene Yeso, inche nabeire inkoraa obogima bwane. Nancheranire naye ng’a ebi nebibe. Nagoonchokeire korwa ase ebibe. Koranche raa obogima bwane. Igo intagete gokoigwera. Imbuya mono ase okonyabera. Bono nakwegenire onyare kong’ichoria nomoika Omochenu. Imbuya mono ase okong’ichoria buna gwantebetie. Amina.

Noganetie Komoboria Nyasae akorae? Noganie gosaba ogosaba oko bono iga?

ENCHERA YOKOMANVA NG’A GWAICHORIGWE NOMOIKA OMOCHENU

Nkwaboria Nyasae agoichorie n’Omoika Omochenu? Kwamanyire buna gwaichorigwe n’Omoika Omochenu? Nabo oranyare komanya buna gwaichorigwe n’Omoika Omochenu kiagera neira n’Nyasae. (Abaefeso 5:18) na ogochika kwaye (1 Yohana 5:14, 15).

Amatuko ande nabo oraigwe ng’a nore ang’e n’Nyasae. ebirengererio biao nabo biragotebie ng’a nigo ore are n’Nyasae. Inyora ng’a ebirengererio biaito nigo bigoonchoka kera engaki. Ense eye etoetanaine nabo eragere bionchoke. Goika twegene ring’ana ri’Nyasae, tari ebirengererio biaito.
Kera rituko nabo orabe nobobui goetera ase obwanchani amo namabera a’Nyasae.
Omoika omochenu nobe ogokworokia ebinto ime yobogima bwao, Nyasae atagete otige. Ebi nigo birakoreke goetera ase ogotara n’Nyasae, nakogania komogokia ere bweka. Ekero obwate ekerengerenio, ring’ana gose ebikorwa bitari komogokia Nyasae, moakere Nyasae ng’a imbuya mono ase ogokwabera ebibe biao ase okokwa gwa Kristo ase omosalaba. Egene obwanchani bwaye na okwaberwa na kogenderera koba noboamate n’Nyasae.

GENDERERA GOICHORWA NOMOIKA OMOCHENU

Omoika Omochenu tori gotiga obogima bw’Omokristo. Korende kera rituko nabo orachore komoa ribaga arae obogima bwao. Naende nabo orarae obogima bwao ase ebibe, ase ogotegena Nyasae ime yebirengererio, ase amang’ana, gose ase ebikorwa. Onye kere boigo eyana kemoika. Omobere oyo tore noro igo okorusia embeo embe inda. Naende twanyara koeyana embeo engiya gochia inda yaichora. Ase omoroberio oyio oyio, koeyana ase Omoika Omochenu igo okwangama ebibe biao kwanyara goichorigwa n’Omoika Omochenu o’Nyasae.

Naende goichorigwa n’Omoika Omochenu: inyora aya:
1. Angama ebibe biao gochia ase Nyasae (1 Yohana 1:9). Moakere imbuya mono ase ogokwabera ebibe. Onchoka. korwa ase ebibe.
2. Moborie Kristo anyare koboraa obogima bwao (Abarumi 6:13). Egene  Omoika Omochenu onyare goichora ime yao.   Inyora Ogochika korwa Abaefeso 5:18 naende eira korwa 1 Yohana 5:14, 15.
Eyana ime y’Omoika ekero Omoika Omochenu okworokirie ebibe biao erio onyare koba nomogoko omonge nobogima bw’obobui bokonyara komosika Nyasae. Tiga Omoika Omochenu ogenderere koraa obogima bwao rituko ase kera rituko.

KOMENYA OBOGIMA BOICHIRE OMOIKA OMOCHENU

Buna okogenderera gokina ime ya Kristo, Nyasae nigo akogenderera goonchora obogima bwao. Buna ogotiga Omoika Omochenu orae obogima bwao na kobogambera botambe:

1. Obogima bwao mbworokie amatunda y’Omoika kera engaki (Abagalatia 5:22, 23).
2. Amasabo ao nabe yengencho mono (Yakobo 5:16).
3. Ogosoma na koigwa ring’ana ri’Nyasae nigo gokomenteka (2 Timotheo 3:16, 17).
4. Nonyare koba nechinguru chi’Nyasae ase ogotebia abande igoro yaye (Ogokora kw’abatomwa 1:18).
5. Nonyare koba nechinguru chi’Nyasae chiokobua amatemwa nebibe (1 Abakorinto 10:13).

Egene Nyasae nechiira chiaye ime yebibilia. Omokristo igo aranyare komenya obogima boichire n’Omoika Omochenu ase okwegena. 

EKANISA NEVENGENCHO MONO

 

Ekero chinko chire amo, nigo chikoyia noborabu obonge mono. Beka oroko oromo ase riraba rikendu, na rora omorero oye tori gwoka noborabu obonge. Ase enchera eyio eyio, igo bore obogima obokong’u mono ekero okomenya obogima bw’Obokristo aye bweka.

Imbuya obwatane nabanto baria bamomanyete Yeso Kristo buna Omotoria bw’echinkoro chiabo. Imbuya ogende ekanisa eria abanto begenete buna Ebibilia nering’ana riobomaene naende bakomoigwera Yesu Kristo (Abaibirania 10:25).

Onye egetabu eke kiagokonyire kae omonto onde.

Egetabu eke nigo kiarwetwe na:

 

P. O. BOX  21417, NAIROBI KENYA
P. O. BOX  424, GARISSA - P.O. . BOX  4586 KISUMU
P. O. BOX  198 ISILO - P. O. BOX 87327 MOMBASA
P. O. BOX 13690 NAKURU - P. O. BOX 686 LITEIN

WRITTEN BY DR WILLIAM R. BRIGHT
THE LIFE MINISTRY

ADDITIONAL ASSISTANCE

Whether you've prayed to be Filled with the Holy Spirit or still have some questions, please click here and tell us about it. We would love to hear from you and help you grow in your faith!

 

© 1995-2001 Campus Crusade for Christ International
Questions and Comments are always welcome!
http://www.jesuswho.org/spirit/ekegusii/default.htm
webmaster@jesuswho.org last updated: 18-08-2006