NTUKU CIONTHE WOMBA...

KUUMBANA NIUNTU BWA INYA YA KIRUNDU UMUTHERU

1. Riria utaari ukwambiiria Jesu Kristu ari Mwonokia wa nkoro yaku watongagiiria miitire yaku uri wengwa. (Isaya 53:6)
2. Ukuriikia kwambiiria Jesu Kristu, Kirundu Umutheru naatonyere gukara ndene yaku. (Aroma 8:9) 
3. Kirundu Urnutheru atumaga Mukristu atuura. utuuro bwa kugwirua. (11 Akorintho 3:18) nandi twone uria…

BIBILIA ITWIRAGA MANTU JA KIRUNDU UMUTHERU

yuugaga:

• Kirundu Umutheru ni Murungu. (Mathithio 5:3-5)
• Kirundu Umutheru akaraga ndene ya muntu wonthe uria withagirw aambiritie Jesu Kristu ari Mwonokia wawe. (1 Akorintho 3:16) 
• Kirundu Umutheru ni Muritani wetu. (Johana 14:26)
• Kirundu Umutheru natutethagia naaria tutina inya (wonjene bwetu.) (Aroma 8:26)
• Kirundu Umutheru ari na inya nkuruki ya irundu bia mithemba yonthe. (1 Johana 4:14)
• Kirundu Umutheru natuejaga inya ya gukuujira Jesu Kristu. (Mathithio 1:8).

Bibilia nituonagla mithemba lthatu ya antu, wa mbere ni ...

1 MUNTU ATI MUKRISTUSpiritual Man

Muntu ati Mukristu ni uria utiambiritie Kristu ari mwonokia wa nkoro yawe. Kirundu Umutheru atikaraga ndene ya muntu ati Mukristu.

Bibilia yuugaga:

“Muntu uria un na withire bwa nthinguru iji atijukagia mantu ja Kirundu wa Murungu Kiri we jati gitumi, ni ja waa; atiumbaga kujaciura, na gitumi jabwirite kumenyeka na njira ya kirundu.” 1 Akorintho 2:14

Mbica iiji irionania Muntu atina Kristu.

MUNTU ATI MUKRISTU

 

1. Jesu ari oome ya utuuro bwawe.

2. Muntu ati Mukristu akaraga gitine kia unene, akiathaga utuuro bwawe wengwa.

3. Muntu uuju abaterie ni kwambiiria Jesu ae Mwonokia wa nkoro yawe.

2 MUKRISTU OOJURITWE (ATONGAGIIRUA) NI KIRUNDU UMUTHERU

Riria twaambiiria Jesu Kristu aa Mwonokia wetu, Kirundu Umutheru atonyaga agakara ndene yetu. (Aroma 8:9) Kuujurwa ni Kirundu Umutheru ni gwitikiiria Jesu atongagiiria utuuro bwaku na akwathaga

Bibilia iriuga ati utuuro buujuri ni Kirundu Umutheru bukari uju:

"Indi-ri, ruciara rwa Kirundu niru ruru: ni kwendana, na kugwirua, na ukiri, na kuumiria, na gutugana, na kuthithanagiria bwega, na gwitikia, na kwinyiyia, na ningi muntu amenyagiire mwiri jwawe bwega…"(Agalatia 5:22,23) "indi bwi bukaewa inya, Kirundu Umutheru athiria kwija iguru rienu, nabwi bukaa akuuji bakwa Jerusalemu, ona Judea, kinya ituri bia nthiguru." (Mathithio 1:8)

Riria tugeetikiiria Jesu aatha utuuro bwetu, tukeenda kugwiria Murungu.

Mbica iji irionania Mukristu uujuritwe ni Kirundu Umutheru:

MUKRISTU UUJURI NI KIRUNDU UMUTHERU

1. Jesu ari utuurone bwawe ari Mwonokia wawe.
2. Jesu Kristu ari gitine kia unene akimutongagiiria.
3. Nandi we atumikagira Jesu na akimwathikagira.
4. O-uria Mukristu airitanaga kwambiiria Kirundu Umutheru amutongeerie no u maciara ja Kirundu Umutheru  joonekanaga utuurone bwawe.

Indi, Mukristu atiujuri (gutongerwa) ni Kirundu Umutheru niwe…

3 MUKRISTU WA MITUGO YA KIMWIRI

Mukristu wa mitugo ya kimwiri athuganagia uria oomba kwigwiria ari wengwa nkuruki ya kugwiria Murungu. Endaga gwitongeeria wengwa, o-ta uria mwana umunini eendaga mantu jawe aki, ta antu ba withire bwa nthiguru. Bibilia irluga uju iguru ria Mukristo aria aigwiragia wengwa. "Atana-ba-Aba ntoombire kwaria nabwi ta buri na mukarie jwa kirundu, indi ndaaririe nabwi ta antu ba mukarie jwa mwiri, na kairi ta buri nkenke ndene ya Kristu. Ni iria ndabukundagia, ti biakuria bibiumo ndabwejaga niuntu butingiumba, na kinya nandi butibiumba. Niuntu, kinya nandi butwire na nurakie jwa kimwiri, tontu bwa uria buri na ruriitho na mateta bwingwa; anga buti antu ba mikarie jwa nwiri, na bwitaga na miitire ta ya antu ba nthiguru iji? (1 Akorintho 3:1-3)

Mbica iiji ironania

MUKRISTU  WA  MITUGO  YA  KIMWIRI

Tega wone ati:

1. Jesu Kristu nowe Mwonokia wa nkoro yawe na ari ndene ya utuuro bwawe. 
2. Nowe ukaraga gitine na gutongeeria utuuro bwawe ari wengwa.
3. Jesu atina utongeeria buujuri ndene ya utuuro bwawe

Mukristu wa mitugo ya kimwiri nageragia kugwiria Murungu indi...

Magita jaria maingi neendaga kuthithia jaria meega indi atiumbaga..

"Niuntu mantu jaria nthithagia nkijamenyaga; niuntu ri nimbiji ati ndene yakwa, (uu nikuuga ati ndene ya mwiri jwakwa) guti untu kinya bumwe butuurikia ku bubwega; niuntu mpendaga gutuura o nkithithagia mantu jaria meega, indi inya ya kuthithia itionore. Wui nanu mukai, nuu untunyukikia na mwiri juju jwa gikuu. " (Aroma 7:15,18,24).

Kuumania na mantu jaja...

Mukristu wa mitugo ya kimwiri ati na utuuro bwa kugwirua. Atuuraga utuuro butina uumbani magiita jaria maingi. Igiita ringi atithithagia ta Mukristu kinya anini

.Katuriikane yaria twathoma na gutega kairi...

Ugwe uri muntu wa muthemba juriku? Wenda kua muntu wa muthemba juriku?

MUKRISTU WA MITUGO YA KIMWIRI OOMBIKIA ATIA KUUJURWA NI KIRUNDU UMUTHERU?

TUUJURAGWA (GUTONGEERUA) NI KIRUNDU UMUTHERU NA NJIRA YA WITIKIO

Tuejaga Akristu na njira ya witikio ndene ya Kristu Mwonokia wetu. Tuujuragwa ni Kirundu Umutheru na njira ya witikio tukiirigagiira Murungu na kuthikiira ruteto rwawe. Womba kuthingata matagario jaja jojathatu...

1. Menyithia Murungu Ati Nukwenda Kuujurwa Ni Kirundu Umutheru

"kitharimo-ri, ni kiri baria bari na mpara na nyonta niuntu bwa mantu jaria jaagirite, ni kwithirwa bakanyirua", (Mathayo 5:6)

2. Umbura Meeyia Jaku

"Indi tukeethirwa itumburaga meeyia jetu, we ni mwitikua, na kairi naagirite, nawe agaturekera meeyia jetu na atuthambie uthuku bunthe. " (1 Johana 1:9)

Kuumbura meeyia jetu ni kugita atia?

Kuumbura Meeyia 

a.. Witikanagiiria na Murungu ati nuthithitie meeyia

. b. Ucookagiria Murungu nkatho niuntu bwa gukurekera na gukuthambia na tharike ya Jesu Kristu.

c. Ugarukagira Murungu na ugatigana na meeyia ta kwirira.

3 Irite Niuntu Bwa Murunqu

Kana bukaethia marungo jenu mathaga ja wiyia, ta jari mathaga ja umaramari; indi ciethagieni nthuumba cia Murungu bwingwa, ta buriukite kuuma gikuune, O na marungo jenu jaethagieni mathaga ja Murungu ta jari mathaga ja wagiru.” (Aroma 6:13)

Gutuura utuuro buujuri (gutongeerua) ni Kirundu Umutheru, no rnwanka Jesu atongagiiria mathithio jetu jonthe.

No Mwanka atongeerie uria tugatumira mbeeca cietu, igiita rietu, na magiita jetu ja kunogoka, ngugi cietu, ngwataniro na ndugu na acoore bangi.

Ukumenya matagario jaja jathatu? Twicookere kairi?

WIRIGIIRE MURUNGU AKUUJURIE KIRUNDU WAWE UMUTHERU

Murungu agakuujuria (gugutongeeria na gukuumbithia) na Kirundu wawe Umutheru wamwirigiiria akuthithirie uu.

Riikana mariitwa jojairi:

1. WATHIKIRE WATHO BWAWE KUUJURWA

"Bukoorwetikira kwogitua na ncoobi, niuntu manto jau ja mbogita nijo jaretaga mantu ja umaramari, indi ujuragweni na Kirundu. (Aefeso 5:18)

2. IRIGAGIIRA WIRANE BWAWE GUKUJURIA

"Na buu nibu ucamba buria turi nabu mbere yawe, ati kethirwa tukamuromba untu kinya buriku buria bwagirite methone jawe agatuthikiira, na twethirwa nitwiji mma ati nathikagiira maromba jetu jonthe, nou tubwirite kumenya ati turina biria tumurombete. (1Johana 5:14-15)

WOMBA KUUJURWA KIRUNDU UMUTHERU NA NJIRA YA WITIKO

Njira imwe ya kwonania witikio bwaku ni na maromba.

WOMBA KUROMBA UJU:

Mwathani Jesu, ningukwenda utongeeria utuuro bwakwa Mbithagirwa ngitongagiiria utuuro bwakwa ningwa. Nandi ingwitikaniiria nawe ati jaja ni meeyia. Ngutiga meeyia jaja na kwirita kiri we gukwathikira. Ibubwega niuntu bwa kumbujuria O-ta uria uugite.

Wenda kuromba Murungu akujurie na agutongagiirie na akumbithie utuurone bwaku?

Wenda kuromba iromba riri nandi?

WOMBA KUMENYA ATI NUUJURI (GUTONGEERUA) KIRUNDU UMUTHERU NA NJIRA YA WITIKIO

Nwithuranirite O-ta uria turikitie gukwoneeria ndene ya maratasi jaria jari nyuma?  Nukwirigiira Murungu na njira ya witikio akuujurie na Kirundu Umutheru?  Mbica iiji irionania uria umma bwa Bibilia, na witikio na withire bwa nkoro (maoni) bigwatanagira utuurone bwaku bwa Gikristu

WOMBA KUUJURWA KIRUNDU UMUTHERU NA NJIRA YA WITIKO

Njira imwe ya kwonania witikio bwaku ni na maromba.

WOMBA KUROMBA UJU:

Mwathani Jesu, ningukwenda utongeeria utuuro bwakwa Mbithagirwa ngitongagiiria utuuro bwakwa ningwa. Nandi ingwitikaniiria nawe ati jaja ni meeyia. Ngutiga meeyia jaja na kwirita kiri we gukwathikira.  Ibubwega niuntu bwa kumbujuria O-ta uria uugite.

 

Wenda kuromba Murungu akujurie na agutongagiirie na akumbithie utuurone bwaku?

Wenda kuromba iromba riri nandi?

WOMBA KUMENYA ATI NUUJURI (GUTONGEERUA) KIRUNDU UMUTHERU NA NJIRA YA WITIKIO

Nwithuranirite O-ta uria turikitie gukwoneeria ndene ya maratasi jaria jari nyuma?  Nukwirigiira Murungu na njira ya witikio akuujurie na Kirundu Umutheru?  Mbica iiji irionania uria umma bwa Bibilia, na witikio na withire bwa nkoro (maoni) bigwatanagira utuurone bwaku bwa Gikristu

 

1. Murunqu augite ati uujurwe ni Kirundu Umutheru. Nariikanirite natwi ati agatucookeria     maromba twamuromba kuringana na wendo bwawe.

2. Uumba kuujurwa ni Kirundu Umutheru bunka werigiira ati akoojuria wirane bwawe. 

3. Werigira Murunqu akuujuria. agakua inya ya gutuura na uumbe gukujira kiri bangi  mantu ja Jesu.

4. Ukoorirua ati wirigagiira Murungu akujuria, na utirigagiira mathuganio jaku.  Murungu atirega kuujuria wirane bwawe bwa gukuujuria na Kirundu. Murungu ti murongo.

5. Tontu Murungu ni mwitikua, nandi woomba kumucookeria nkatho niuntu bwa gukuujuria na Kirundu Umutheru, kinya kethirwa utiraona mwanya kinya juriku.

WOMBA GWITA NA MBERE KUUJURWAKethira ukeeyia kairi na gutongeeria utuuro bwaku wengwa, no mwanka kuthithia mantu jojairi.

1. Umbura meeyia jaku kiri Murungu. (I Johana 1:9) Mucookerie nkatho niuntu bwa urekeri bwawe. Garuka utigane na  meeyia jaku. 
2. Ira Jesu ajukie giti kia wathani bwa utuuro bwaku kairi. Riikana watho bwawe ndene ya Aefeso 5:18 na kirikaniro kiawe ndene ya ( I Johana 5:14-15)

Thingata makinya jaja jojairi magiita jonthe Kirundu Umutheru akuonagia meeyia utuurone bwaku. Uju ukethirwa urina utuuro bwa kugwirua na guciara maciara ja Kirundu.

IRIGAGIIRA KIRUNDU UMUTHERU EETAGE NA MBERE GUKUUJURIA (KUGUTONGEERIA). UJU NIU JESU KRISTU AKETHIRWA AKARIRITE GITI KIA UNENE BWA UTUURO BWAKU.

Womba kumenya ati...

O-URIA UGEETA NA MBERE KUJUURWA NI KIRUNDU UMUTHERU:

1. Matunda ja Kirundu jakoonania utuurone bwaku nkuruki ntuku cionthe. (Agalatia 5:22-23)
2. Maromba jaku jakarita ngugi. (Jakobo 5:16)
3. Umenyo bwa Bibilia bwaku bukaingia. (II Timotheo 3:16-17)
4. Ukagia na inya kuuma kiri Murungu ya gukuujira. (Mathithio 1:8)
5. Ukagia na inya kuuma kiri Murungu ya kuumbana na magerio. (1Akorintho 10:13)
6. Ukoomba kuumbana iguru ria irundu bibithuku (1 Johana 4:1-4)

ni untu bwa gitumi…

Riria nku iri amwe, mwanki ijwakanaga na weeru bubwingi. Ukarita ruku rumwe, na ukarwika guntu kumwe mwanya, karutigaga gwakana.O uu nou kuri na inya gutuura gi Kristo uri wenka.

Tirimanaga na Akristu bangi baria baambiritie Jesu Kristu ta Mwonokia na Mwathani wao. Nubwirite gwitaga kanisene naaria antu beetikitie Bibilia ni luku ria umma na naaria Jesu Kristu aathikagirwa. (Ahibrania 10:25)

• Additional Information